الاعلامي طوني خليفة يوجه رسالة نارية للاخوان المسلمين: أنتم أكبر أعداء للقضية الفلسطينية ما في حدا غيركم خاين وعميل

قناة المشهد

 الاعلامي طوني خليفة :

خبرونا شو بدكم؟

أنا بعرف شو بدكن  أنتوا أكبر أعداء لفلسطين و للقضية الفلسطينية

أنتوا اللي عم بتعلقوا هذه التعليقات واللي عم بتحرضوا ضد فلسطين وأهلها على طريقة دس السم بالعسل  يعني أنه أنتوا عم بتناضلوا وعم تحكوا عن القضية وينكن من القضية  أنتوا عم تعملوا كل هيدا بس  لتشتموا دول وأنظمة وشعوب وتخلوها باللاوعي تبعها لأنه في دولة بتحترم حالها وشعوب بتحترم حالها وبتحترم دولها وما بتقبل ما راح تقبل أبدا إنها تنشتم  هاي الدول وهاي الشعوب عم بتكون باللاوعي تبعهم نقمة يعني نقمة

أنتوا بتعرفوا ليش بدكن هاي النقمة هاي النقمة لأنه أنتوا  هدفكن هو صار مكشوف ومعروف بدكم كل العرب يشتموا كل العرب بدكن كل العرب يسبوا كل العرب  لأنه لما العرب يسبوا العرب ويسبوا الزعماء ويسبوا الحكام ويسبوا الأنظمة أنتوا الوحيدين الكسبانين لأنكم مشروعكن هو هدم كل تلك الدول  وهدم كل تلك الأنظمة وهدم كل ما هو ناجح  لتحلوا أنتوا مكانه لتحلوا أنتوا بداله  

هيدهي مشاريعكن اللي صارت مكشوفة ما بقى مخباية على حدا لأنه ليس بالأحقاد وليس بالشتائم وليس بالإفتراءات  وليس بفبركة إشاعات تحرر الأوطان وتحرر فلسطين  أنتوا قاعدين وراء تليفوناتكم  جايين عم بتدينوا وعم بتقرروا وعم بتصنفوا  مين هني الوطنيين ومين هني الخوانة والعملاء  ما في حدا غيركم خاين وعميل  

ما فيه حدا غيركم عم بيسيئ للقضية الفلسطينية ويستغل دم الشهداء ودم الضحايا بفلسطين  اللي عم يسقطوا بفلسطين من أجل قضيتهم  لأنتوا تستغلوا هذا الموضوع على مواقع التواصل الاجتماعي  لتسوقوا لأجنتكن لتسوقوا لأفكاركن لتسوقوا لهدم الدول العربية لتسوقوا لهدم بعض الأنظمة العربية لتسوقوا لتحريض الشعوب على حكامها لتسوقوا لكل ما هو قذر بشبهكم

 هيدا هو دوركن وهيدا هو اللي أنتوا عم تعملوا بس رح تتفاجئوا  مثل ما نبذوكم أول مرة وثاني مرة وعاشر مرة  ومثل ما نبذوكم عبر التاريخ رح يرجعوا اليوم ينبذوكم  لأنه الدم الفلسطيني بحياته ما كان للمتاجرة  ولا أي دم عربي ولا دم أي قضية عربية كانت للمتاجرة  أنتوا خلقتوا فقط للتجارة بهذا الدم

مجموعات حاقدة على مواقع التواصل الاجتماعي الفرح بدها تحوله لحزن،  الحياة بده تحولها لموت، الوطني بدها تحولها لخيانة، هيدا هو دوركم